Футбол бўйича Англия Премьер Лигасининг 31-турида «Тоттенҳэм» 11 апрель, якшанба куни «Манчестер Юнайтед»ни қабул қилди.
Турнинг марказий баҳсида меҳмонларнинг қўли баланд келди. 40-дақиқада Сон Ҳён Мин «шпорлар»ни ҳисобда олдинга олиб чиқди. «Манчестер Юнайтед» иккинчи бўлимда бунга Фред, Эдинсон Кавани ва Мэйсон Гринвуднинг голлари билан жавоб қайтарган ҳолда иродали ғалабани тантана қилди.
Ушбу ғалабадан кейин очколари сони 63 тага етган манчестерликлар мусобақа жадвалида 2-ўринда бормоқда. Жамоа ҳамшаҳари «Манчестер Сити»дан 11 очкога ортда қолмоқда. «Тоттенҳэм» эса (49) 7-ўриндан жой олган.
«Вест Ҳэм» ўз майдонида «Лестер»дан устун келди. Мезбонларнинг голларига Жесси Лингард ва Жеррод Боуэн муаллифлик қилди. «Лестер»нинг жавоб голлари эса Келечи Иҳеаначо ҳисобига ёзилди.
АПЛ
31-тур баҳслари
11 апрель, якшанба
«Тоттенҳэм» – «Манчестер Юнайтед» 1:3
Голлар: 1:0 – 40 Сон Ҳён Мин, 1:1 – 57 Фред, 1:2 – 79 Кавани, 1:3 – 90+6 Гринвуд.«Тоттенҳэм»: Льорис, Родон, Регилон, Орье, Дайер, Ҳёйбьерг, Ндомбеле (Ламела, 78), Лукас Моура (Бэйл, 82), Ло Чельсо (Сиссоко, 61), Сон Ҳён Мин, Кейн.
«Манчестер Юнайтед»: Ҳендерсон, Линдельоф, Уан-Биссака, Шоу, Магуайр, Погба, Бруну Фернандеш (Матич, 90), Фред, Мактомини, Кавани, Рэшфорд (Гринвуд, 72).
Огоҳлантиришлар: Мактомини (18), Кавани (41), Фред (48), Шоу (67), Магуайр (70), Сиссоко (90+2).
Изоҳ (0)