Indoneziya va Sharqiy Timordagi suv toshqinlari va ko‘chkilar oqibatida eng kamida 157 kishi qurbon bo‘ldi. Tabiiy ofat natijasida binolar, yo‘llar, ko‘priklar vayron bo‘ldi, deb yozmoqda “TASS”.
Indoneziyaning tabiiy ofatlar oqibatlarini bartaraf etish agentligining ma’lumotlariga ko‘ra, orollarda halok bo‘lganlar soni 130 nafarga, Sharqiy Timorda esa 27 nafarga yetdi.
Tabiiy ofatning birinchi to‘lqini 4-aprel kuni, yakshanbaga o‘tar kechasi sodir bo‘ldi. Mamlakatda uzluksiz yomg‘irlar tinmayapti.
Ma’lumot uchun, 4-aprel kuni Indoneziyada kuchli zilzila sodir bo‘ldi. Uning o‘chog‘i 328 kilometr chuqurlikda joylashganligi aniqlangan.
Avvalroq taxminan 10 million aholi yashaydigan Indoneziya poytaxti Jakarta mazkur hududga kirib kelgan mavsumiy musson nam shamoli oqibatida suv toshqini ostida qolgani haqida xabar berilgandi. Qutqaruvchilar shaharning janubiy va sharqiy qismidan 1,3 ming nafar aholini suv sathi 1,8 metrga ko‘tarilgani tufayli evakuatsiya qilgan.
Izoh (0)