Toshkentdagi Humo Arena o‘yingohida 3-aprel, shanba kuni professional boks kechasi bo‘lib o‘tmoqda.
Mirazizbek Mirzaxalilov (1-0, 1 KO) professional ringdagi debyut jangida Tasha Mjuajiga (17-8-2, 5 KO) qarshi jang qildi.
Jangni ishonch bilan boshlagan Mirazizbek ikki bor raqibini nokdaun holatiga tushirdi. Ikkinchi nokdaundan keyin tanzaniyalik bokschi o‘rnidan turmadi va Mirzaxalilov foydasiga texnik nokaut yozildi.
Shu tariqa Mirzaxalilov prof ringdagi dastlabki jangini g‘alaba bilan yakunladi.
Avvalroq professional boksda debyut jangini o‘tkazgan Iqboljon Xoldorov tanzaniyalik raqibini nokautga uchratgan, Sanjar Tursunov ukrainalik bokschini mag‘lub etgan, Hasanboy Do‘stmatov nokaut bilan g‘alaba qozonib, WBA International kamariga ega chiqqandi. Bahodir Jalolov esa latviyalik boskchini muddatidan avval taslim etdi.
Mazkur musobaqada yana uch nafar o‘zbekistonlik bokschi jang qiladi. Kechaning asosiy jangida Murodjon Ahmadaliyev Ryosuke Ivasaga qarshi ringga ko‘tariladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)