Toshkentdagi Humo Arena o‘yingohida 3-aprel, shanba kuni professional boks kechasi bo‘lib o‘tmoqda.
Musobaqaning navbatdagi jangi Sanjar Tursunov (3-0, 1 KO) va Ivan Yuxta (3-2-1, 2 KO) o‘rtasida kechdi.
Dastlabki raundlar o‘zbekistonlik bokschining yaqqol ustunligida o‘tdi. Uchinchi raunddan boshlab Yuxta ham faollikni oshirdi. Biroq Tursunov har bir raundda vaziyatni nazorat qila oldi.
Shu tariqa to‘liq davom etgan jangda hakamlar bir ovozdan Tursunovning g‘alabasini qayd etdi.
Avvalroq Iqboljon Xoldorov professional boksdagi debyut jangida nokaut bilan g‘alaba qozongandi.
Mazkur musobaqada yana olti nafar o‘zbekistonlik bokschi jang qiladi. Kechaning asosiy jangida Murodjon Ahmadaliyev Ryosuke Ivasaga qarshi ringga ko‘tariladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)