Futbol bo‘yicha BAA Pro-Ligasining 23-turidan o‘rin olgan ikki uchrashuv 2-aprel, juma kuni bo‘lib o‘tdi.
“Shabob al-Ahli” o‘z maydonida “Al-Fujayra”ni qabul qilib 3:2 hisobida g‘alaba qozondi. Hisob 1:2 bo‘lib turgan vaqtda o‘zbekistonlik yarim himoyachi Jaloliddin Masharipov jamoadoshi Muhammad Jumani golli uzatma bilan ta’minladi. 90-daqiqada esa Jaloliddinning o‘zi mezbonlarga g‘alaba keltirgan golga mualliflik qildi.
Ushbu bahsda Masharipov to‘liq 90 daqiqa harakat qilgan bo‘lsa, boshqa bir o‘zbekistonlik futbolchi Odiljon Hamrobekov 38-daqiqada zaxiraga olindi.
Mazkur g‘alabadan keyin ochkolari soni 43 taga yetgan “Shabob al-Ahli” musobaqa jadvalida 3-o‘rinda bormoqda.
Yana bir o‘yinda “Hatta” o‘z maydonida “Az-Zafra”ni qabul qilib, 2:2 hisobidagi durangga imzo chekdi. “Hatta” safida to‘p tepadigan o‘zbekistonlik futbolchi Doston Hamdamov mazkur bahsda 83-daqiqada zaxiraga olindi.
23-turdan keyin “Hatta” (9) turnir jadvalida so‘nggi, 14-o‘rinda bormoqda.
BAA Pro-Ligasi
23-tur bahslari
2-aprel, juma
“Shabob al-Ahli” — “Al-Fujayra” 3:2
Gollar: 0:1 — 3 Koutinyo, 0:2 — 32 Abdulaziz, 1:2 — 39 Xesus, 2:2 — Juma, 3:2 — 90 Masharipov.“Hatta”—“Az-Zafra” 2:2
Gollar: 0:1 — Diop, 1:1 — 45+3 Jonatas, 2:1 — 53 Jonatas, 2:2 — 76 al-Junaybi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)