Prezident tomonidan 30-mart kuni imzolangan “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonun bilan Jinoyat kodeksiga qo‘shimcha kiritildi.
Unga ko‘ra, Jinoyat kodeksining 244-moddasi fuqarolarni ommaviy tartibsizlik va zo‘ravonlikka da’vat qilganlik uchun sanksiya bilan to‘ldirildi.
Endilikda, mazkur qilmishni sodir etgan shaxslar BHMning 100 baravaridan 300 baravarigacha (24,5 million so‘mdan 73,5 million so‘mgacha) jarima yoki 2 yilgacha axloq tuzatish ishlari yoxud 3 yildan 5 yilgacha ozodlikni cheklash yoki 3 yildan 5 yilgacha ozodlikdan mahrum qilish bilan jazolanadi.
Ushbu qonun 31-martdan e’tiboran kuchga kirdi.
Eslatib o‘tamiz, qonun “Milliy tiklanish” va “Adolat” partiyalari tomonidan ishlab chiqilgan. Hujjat bilan, shuningdek, O‘zbekiston Prezidentini internetda haqoratlash yoki unga tuhmat qilganlik uchun jinoiy javobgarlik belgilandi.
Izoh (0)