Президент томонидан 30 март куни имзоланган «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги қонун билан Жиноят кодексига қўшимча киритилди.
Унга кўра, Жиноят кодексининг 244-моддаси фуқароларни оммавий тартибсизлик ва зўравонликка даъват қилганлик учун санкция билан тўлдирилди.
Эндиликда, мазкур қилмишни содир этган шахслар БҲМнинг 100 бараваридан 300 бараваригача (24,5 миллион сўмдан 73,5 миллион сўмгача) жарима ёки 2 йилгача ахлоқ тузатиш ишлари ёхуд 3 йилдан 5 йилгача озодликни чеклаш ёки 3 йилдан 5 йилгача озодликдан маҳрум қилиш билан жазоланади.
Ушбу қонун 31 мартдан эътиборан кучга кирди.
Эслатиб ўтамиз, қонун «Миллий тикланиш» ва «Адолат» партиялари томонидан ишлаб чиқилган. Ҳужжат билан, шунингдек, Ўзбекистон Президентини интернетда ҳақоратлаш ёки унга туҳмат қилганлик учун жиноий жавобгарлик белгиланди.
Изоҳ (0)