Yevropa mintaqasida JCh—2022 saralashi 2-turi doirasidagi ikkita o‘yin o‘tkazildi.
Rossiya terma jamoasi o‘z maydonida Sloveniyani qabul qildi. Uchrashuvning 26-daqiqasida Artyom Dzyuba ruslarni oldinga olib chiqqan bo‘lsa, 35-daqiqada 32 yoshli hujumchi dublini nishonladi. Oradan ko‘p o‘tmay Yosip Ilichich hisobni qisqartirdi.
Ikkinchi bo‘limda hisob o‘zgarmadi. Shu tariqa Rossiya ochkolarini 6 taga yetkazib olgan holda H guruhi peshqadamiga aylandi. Sloveniya (3) esa keyingi pog‘onada bormoqda.
Yana bir o‘yin Chernogoriya va Gibraltar jamoalari o‘rtasida kechdi. Unda qoratog‘liklarning qo‘li baland keldi. Mezbonlarning gollaridan biri “Paxtakor” sobiq himoyachisi Marko Simich tomonidan urildi.
JCh—2022 saralashi
2-tur bahslari
27-mart, shanba
Rossiya — Sloveniya 2:1
Gollar: 1:0 – 26 Dzyuba, 2:0 – 35 Dzyuba, 2:1 – 36 Ilichich.Rossiya: Shunin, Kudryashov, Semyonov, Jikiya, Jirkov (Karavayev, 68), Ozdoyev, Kuzyayev, Jemaletdinov (Muxin, 86), Golovin (Miranchuk, 49), Fernandes, Dzyuba (Zabolotniy, 86).
Sloveniya: Oblak, Mevlya, Blajich, Balkovets, Stoyanovich (Skubits, 61), Biyol (Vetrix, 62), Kurtich, Ilichich, Lovrich (Zaxovich, 86), Zays (Bohar, 75), Shporar (Vuchkich, 75).
Ogohlantirishlar: Golovin (11), Mevlya (12), Kudryashov (43), Miranchuk (77), Zaxovich (89).
Chernogoriya — Gibraltar 4:1
Gollar: 1:0 – 25 Bechiray, 1:1 – 30, penalti Staych, 2:1 – 43 Simich, 3:1 – 52 Tomashevich, 4:1 – 80 Yovetich.Chernogoriya: Miyatovich, Radunovich, Tomashevich, Simich, Hakshabanovich (Bolevich, 60), Vukchevich, Bakich (Vulay, 25), Yovovich, Kosovich (Lagator, 60), Bechiray (Yovetich, 46), Jurjevich (Martinovich, 77).
Gibraltar: Golduin, Bosio (Ernandes, 51), Valarino (Uayzmen, 81), Jolli, Pons (Uoker, 66), Santos, Hassan (Kumbz, 46), Barnett, Sarjent, Moulds, Staych (Borj, 65).
Ogohlantirishlar: Golduin (14), Pons (21), Staych (27), Vulay (29).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)