O‘zbekiston milliy terma jamoasi 26-mart, juma kuni Ganaga qarshi o‘rtoqlik o‘yini o‘tkazdi.
Uchrashuvning 4-daqiqasidayoq Vadim Abramov shogirdlari oldinga o‘tib oldi. Oston O‘runovning uzatmasidan keyin Otabek Shukurov jarima maydondagi chizig‘i ustidan aniq zarba yo‘llab, hisobni ochdi.
72-daqiqada Issaku Abdul Fatavuning jarima to‘pidan yo‘llagan zarbasini Javohir Ilyosov qaytara olmadi. Biroq maydon egalari bunga ko‘p o‘tmay javob qaytardi: Jaloliddin Masharipov himoyachidan to‘pni olib qo‘ydi va raqib darvozaboni ustidan oshirib, to‘pni darvozaga joylab qo‘ydi. Qolgan vaqtda hisob o‘zgarmadi.
Qayd etish joiz, Gana terma jamoasi bu o‘yinda asosiy tarkib bilan emas, zaxira jamoasi bilan harakat qildi.
Vadim Abramov shogirdlari 29-mart kuni Iroq terma jamoasiga qarshi o‘rtoqlik o‘yini o‘tkazadi.
O‘rtoqlik uchrashuvi
26-mart, juma
O‘zbekiston — Gana B 2:1
Gollar: 1:0 – 4 Shukurov, 1:1 – 72 Abdul Fatavu, 2:1 – 76 Masharipov.O‘zbekiston: Javohir Ilyosov, Ibrohimxalil Yo‘ldoshev, Farrux Sayfiyev (Murod Xolmuhammedov, 83), Anzur Ismoilov, Azim Ahmedov, Odiljon Hamrobekov (Islom To‘xtaxo‘jayev, 88), Otabek Shukurov, Oston O‘runov (Javohir Siddiqov, 69), Jaloliddin Masharipov (Hojimat Erkinov, 87), Sardor Rashidov (Oybek Bozorov, 59), Eldor Shomurodov (Igor Sergeyev, 84).
Gana B: Jozef Addo, Yiadom Konadou, Kristofer Nettey, Muhammad al-Hassan, Diavusiye Teylor (Daniel Afriye Kuaye, 63), Moro Salifu, Michel Otou (Persius Boa, 82), Rashid Nortey (Agyenim Boateng, 65), Samuel Abbey Kuaye, Kvame Peprah, Issaku Abdul Fatavu.
Ogohlantirish: Abbey Kuaye (56).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)