Germaniyada Peter Shubert ismli 52 yoshli chilangan uyida 54 ming detaldan iborat The Travel Around Art (“San’at atrofida sayohat”) mozaikani yig‘di, deb xabar beradi Esquire.
Mazkur mozaika 17,6 kvadrat metr joyni egallagan. Ginnesning rekordlar kitobiga kirishni istagan Shuber ushbu mozaikani yig‘ishga 4,5 oy vaqt sarflagan. Biroq oxirida bitta detal yetishmayotgani ma’lum bo‘lgan.
Mozaikada galereyada Gustav Klimtning “Bo‘sa” va Yan Vermerning “Marjon zirakli qiz” kabi kartinalarini tomosha qilayotgan insonlar tasvirlangan. Erkak mozaikaning yetishmayotgan detalini topa olmagach, Grafika ishlab chiqaruvchisiga murojaat qilib, yetishmayotgan detalni yuborishini so‘ragan.
Shubert 17 yildan buyon 60 dan ortiq mozaika yig‘gan. “Odatdagi kunlarda 4-5 soat mozika yig‘aman, dam olish kunlari esa 14 soatlab vaqtimni shunga sarflayman”, — deydi erkak.
Kunlarning birida Shubert bir kunda 15,5 soat vaqt sarflab mozaika yig‘gan. Uning maqsadi — 500 ming detalni yaxlit birlashtirish. “Hozirda 430 mingga yaqin detalni yig‘ganman, ularning umumiy maydoni 130 kvadrat metrga teng”, — deydi u.
Shubert “dunyodagi eng katta boshqotirma” uchun Ginnesning rekordlar kitobiga ariza bergan. Hozirda bu boradagi rekord Xoshimin iqtisodiyot universiteti talabasiga tegishli 2011-yilda u 497 ming detaldan iborat nilufar guli tasvirlangan mozaikani yig‘gan edi.
Izoh (0)