Германиялик эркак 4,5 ой давомида 54 минг деталдан иборат мозикани йиғди. Бироқ ишни якунлашга битта сўнгги деталь етишмаяпти

Германияда Петер Шуберт исмли 52 ёшли чиланган уйида 54 минг деталдан иборат The Travel Around Art («Санъат атрофида саёҳат») мозаикани йиғди, деб хабар беради Esquire.

Мазкур мозаика 17,6 квадрат метр жойни эгаллаган. Гиннеснинг рекордлар китобига киришни истаган Шубер ушбу мозаикани йиғишга 4,5 ой вақт сарфлаган. Бироқ охирида битта деталь етишмаётгани маълум бўлган.

Мозаикада галереяда Густав Климтнинг «Бўса» ва Ян Вермернинг «Маржон зиракли қиз» каби картиналарини томоша қилаётган инсонлар тасвирланган. Эркак мозаиканинг етишмаётган деталини топа олмагач, Grafika ишлаб чиқарувчисига мурожаат қилиб, етишмаётган детални юборишини сўраган.

Шуберт 17 йилдан буён 60 дан ортиқ мозаика йиғган. «Одатдаги кунларда 4-5 соат мозика йиғаман, дам олиш кунлари эса 14 соатлаб вақтимни шунга сарфлайман», — дейди эркак.

Кунларнинг бирида Шуберт бир кунда 15,5 соат вақт сарфлаб мозаика йиғган. Унинг мақсади — 500 минг детални яхлит бирлаштириш. «Ҳозирда 430 мингга яқин детални йиғганман, уларнинг умумий майдони 130 квадрат метрга тенг», — дейди у.

Шуберт «дунёдаги энг катта бошқотирма» учун Гиннеснинг рекордлар китобига ариза берган. Ҳозирда бу борадаги рекорд Хошимин иқтисодиёт университети талабасига тегишли 2011 йилда у 497 минг деталдан иборат нилуфар гули тасвирланган мозаикани йиғган эди.