30 yashar britaniyalik xonanda Ziba Kelli vokal qobiliyati bilan emas, Disney malikasi Rapunselga o‘xshashligi bilan mashhurlikka erishdi.
Bolaligida aksariyat qizlar singari oddiy turmak bilan yurgan qiz 17 yoshida sochini o‘stirishga qaror qilgan.
Sochlari bag‘oyat tez, oyiga deyarli 5 santimetrdan o‘sa boshlagan. Uzunligi tovoniga yetganidan keyin sochlarini kesmaslikka qaror qilgan.
Bugungi kunda bo‘yi 160 sm bo‘lgan qizning sochi 182 sm tashkil qiladi. Ziba yerga sudralishi sabab ham ko‘chaga kamdan kam hollarda sochini yoyib chiqishi, eskalator haqida esa gap ham bo‘lishi mumkinmasligini ta’kidlaydi.
Kelli boshi va bel og‘rig‘idan aziyat chekishi, sochlarini yuvganidan keyin esa ko‘proq qiynalishini ma’lum qiladi. Chunki nam sochlar deyarli 2 kg og‘irlikda bo‘ladi.
Sochlarini yuvish va quritish uchun 1 yarim soat, butun uzunligi bo‘ylab tarash uchun esa 1 soat vaqt kerak bo‘ladi. Turli qiyinchiliklar keltirib chiqarishiga qaramay, bunga ko‘nikkan qiz sochlari kestirishni istamaydi.
Izoh (0)