Samsung kompaniyasi tajriba tariqasida o‘z tovarlarini uchuvchisiz boshqariladigan uchish qurilmalari yordamida yetkazib berishni boshladi, deb xabar beradi Hi-Tech.Mail.ru.
Yetkazib berish sxemasi o‘zgarmagan — xaridor buyurtma to‘lovini amalga oshiradi, do‘kon uni yetkazib berish xizmatiga topshiradi va u kuryer-odamlar orqali jo‘natilmaydi, balki dronning maxsus bo‘lmasiga yuklanadi. Xizmat Irlandiyadagi Oranmor posyolkasida testdan o‘tkazmoqda, biroq kelajakda u butun mamlakat va jahon bo‘ylab kengaytirilishi rejalashtirilgan.
Bu orqali yangi smartfonlar, planshet yoki naushniklarni buyurtma qilish mumkin. Dron oddiy kuryerlar duch keladigan tirbandlik va to‘siqlarni bosib o‘tib, soatiga 60 kilometr tezlikda harakatlana oladi. U buyurtmani kichikroq shaharlar bo‘ylab bir necha daqiqa davomida yetkazib berishga qodir.
Dron buyurtmani eshikka qadar yetkazib beradi va ehtiyotkorlik bilan uni yerda qoldiradi — xaridor qutini olib ketishi va buni tasdiqlashi kerak, xolos.
Dron yordamida yetkazib berish smartfonlar narxiga hech qanday ta’sir ko‘rsatmaydi. Faqat hozircha mazkur xizmat katta va ko‘plab to‘siqlarga ega shaharlarda qay usulda amalga oshirilishi noma’lum.
Izoh (0)