Samsung компанияси тажриба тариқасида ўз товарларини учувчисиз бошқариладиган учиш қурилмалари ёрдамида етказиб беришни бошлади, деб хабар беради Hi-Tech.Mail.ru.
Етказиб бериш схемаси ўзгармаган — харидор буюртма тўловини амалга оширади, дўкон уни етказиб бериш хизматига топширади ва у курьер-одамлар орқали жўнатилмайди, балки дроннинг махсус бўлмасига юкланади. Хизмат Ирландиядаги Оранмор посёлкасида тестдан ўтказмоқда, бироқ келажакда у бутун мамлакат ва жаҳон бўйлаб кенгайтирилиши режалаштирилган.
Бу орқали янги смартфонлар, планшет ёки наушникларни буюртма қилиш мумкин. Дрон оддий курьерлар дуч келадиган тирбандлик ва тўсиқларни босиб ўтиб, соатига 60 километр тезликда ҳаракатлана олади. У буюртмани кичикроқ шаҳарлар бўйлаб бир неча дақиқа давомида етказиб беришга қодир.
Дрон буюртмани эшикка қадар етказиб беради ва эҳтиёткорлик билан уни ерда қолдиради — харидор қутини олиб кетиши ва буни тасдиқлаши керак, холос.
Дрон ёрдамида етказиб бериш смартфонлар нархига ҳеч қандай таъсир кўрсатмайди. Фақат ҳозирча мазкур хизмат катта ва кўплаб тўсиқларга эга шаҳарларда қай усулда амалга оширилиши номаълум.
Изоҳ (0)