Bollivud olamidagi faoliyatini 1986-yilda “Karma” filmida suratga tushishdan boshlagan va ijro mahorati hamda go‘zalligi bilan millionlab muxlislarga ega bo‘lgan aktrisa Madhuri Dikshit haqida ma’lumot berib o‘tamiz.
Madhuri 1967-yilning 15-mayida Shankar va Snexlata Dikshitlar oilasida dunyoga kelgan.
Muxlislaridan biri hukumatga aktrisaning tug‘ilgan kunini milliy bayram sifatida e’lon qilishni so‘rab murojaat qilgan. Bu ham yetmagandek o‘sha muxlis Madhurining tug‘ilgan kuni sanasi bilan boshlanadigan taqvim ham ishlab chiqqan.
Kino olamida faoliyat yuritish haqida o‘ylab ham ko‘rmagan Madhuri mikrobiolog bo‘lish haqida orzu qilgan va shu soha bo‘yicha bakalavr diplomini qo‘lga kiritgan. Ammo taqdir taqozosi bilan kasbi tamoman o‘zgarib ketgan.
Madhuri FilmFare mukofotining “Eng yaxshi aktrisa” yo‘nalishiga 14 marta nomzod bo‘lgan, to‘rt karra esa ushbu nominatsiya bo‘yicha va ikki marta boshqa yo‘nalish bo‘yicha mukofotni qo‘lga kiritgan. 2008-yilda esa Hindistonning eng nufuzli mukofotlaridan biri Padma Shriga sazovor bo‘lgan.
“Devdas”, “Begona qalb”, “Dil” va boshqa bir qancha filmlardagi ijrolari bilan muxlislar qalbidan joy olgan aktrisa aktyor Sanjay Datt bilan ishqiy munosabatda bo‘lgan. Ammo Sanjayning noto‘g‘ri turmush tarzi sabab aloqalarga nuqta qo‘yilgan.
Madhuri 1999-yil 17-oktabrda amerikalik shifokor Shrirama Madxava Nenega turmushga chiqqan va bir muddat ijodiy tanaffus qilishga qaror qilgan.
AQShga ko‘chib ketgan aktrisa Erin hamda Rayan ismli o‘g‘il farzandlarini tarbiya qilib kelmoqda.
Foto: “Yandeks Dzen”2011-yilda esa oilasi bilan birga Hindistonga qaytib kelgan.
Ayni vaqtda 53 yoshda bo‘lgan aktrisa hali hamon avvalgidek go‘zal va latofatli.
Izoh (0)