Болливуд оламидаги фаолиятини 1986 йилда «Карма» фильмида суратга тушишдан бошлаган ва ижро маҳорати ҳамда гўзаллиги билан миллионлаб мухлисларга эга бўлган актриса Мадҳури Дикшит ҳақида маълумот бериб ўтамиз.
Мадҳури 1967 йилнинг 15 майида Шанкар ва Снехлата Дикшитлар оиласида дунёга келган.
Мухлисларидан бири ҳукуматга актрисанинг туғилган кунини миллий байрам сифатида эълон қилишни сўраб мурожаат қилган. Бу ҳам етмагандек ўша мухлис Мадҳурининг туғилган куни санаси билан бошланадиган тақвим ҳам ишлаб чиққан.
Кино оламида фаолият юритиш ҳақида ўйлаб ҳам кўрмаган Мадҳури микробиолог бўлиш ҳақида орзу қилган ва шу соҳа бўйича бакалавр дипломини қўлга киритган. Аммо тақдир тақозоси билан касби тамоман ўзгариб кетган.
Мадҳури FilmFare мукофотининг «Энг яхши актриса» йўналишига 14 марта номзод бўлган, тўрт карра эса ушбу номинация бўйича ва икки марта бошқа йўналиш бўйича мукофотни қўлга киритган. 2008 йилда эса Ҳиндистоннинг энг нуфузли мукофотларидан бири Падма Шрига сазовор бўлган.
«Девдас», «Бегона қалб», «Дил» ва бошқа бир қанча фильмлардаги ижролари билан мухлислар қалбидан жой олган актриса актёр Санжай Датт билан ишқий муносабатда бўлган. Аммо Санжайнинг нотўғри турмуш тарзи сабаб алоқаларга нуқта қўйилган.
Мадҳури 1999 йил 17 октябрда америкалик шифокор Шрирама Мадхава Ненега турмушга чиққан ва бир муддат ижодий танаффус қилишга қарор қилган.
АҚШга кўчиб кетган актриса Эрин ҳамда Райан исмли ўғил фарзандларини тарбия қилиб келмоқда.
Фото: «Яндекс Дзен»2011 йилда эса оиласи билан бирга Ҳиндистонга қайтиб келган.
Айни вақтда 53 ёшда бўлган актриса ҳали ҳамон аввалгидек гўзал ва латофатли.
Изоҳ (0)