Turkiyalik taniqli aktrisa Nesrin Javedzade “Qora niyat” seriali qismlarining birida qo‘shiq kuylab, yoqimli ovozi bilan muxlislari olqishiga sazovor bo‘ldi. Bu haqda “RusTurkey.com” xabar berdi.
Aktrisaning turli mamlakatlardan bo‘lgan muxlislari ijtimoiy tarmoqlarda Nesrinni qo‘shiqchi sifatida ham ko‘rishni orzu qilishlarini yozib qoldirdi.
Ba’zi muxlislari esa aktrisaga o‘z albomini chiqarishni va ajoyib ovozi bilan tinglovchilarini tez-tez xursand qilib turishni taklif qildi.
Eslatib o‘tamiz, Nesrin Javadzade Turkiyadagi eng talabgir aktrisalardan biri, u 8 ta serial va 11 ta to‘lliq metrajli filmlarda rol ijro etgan. Kelib chiqishi ozarbayjonlik bo‘lgan aktrisa “Suv uzra sayr”, “Dilbarning sakkiz kuni”, “Xavfli muhabbat”, “Afsonalar”, “Qo‘zichoq” va boshqa loyihalardagi rollari bilan tanilgan. Ayni paytda u “Qora niyat” serialida Shahika rolini ijro etmoqda.
Avvalroq aktyor Go‘khan Alkan va Nesrin Javadzade pandemiya tugaganidan keyin turmush qurishi kutilayotgani haqida xabar berilgan edi.
Mavzuga doir:
Izoh (0)