«Барселона» Ла Лига 28-тури доирасида кечган 21 март кунги ўйинда «Реал Сосьедад»ни йирик ҳисобда (6:1) мағлуб этди.
Бу каталонлар ҳужумчиси Лионель Месси учун «Барселона» сафидаги 768-ўйин бўлди. Аргентиналик футболчи жамоа собиқ ярим ҳимоячиси Хавини (767 ўйин) ортда қолдирган ҳолда клуб тарихида энг кўп ўйин ўтказган футболчига айланди.
Месси 2000 йилда клуб академиясига келиб қўшилган, 2004 йилда эса бош жамоада дебют қилган. У «Барса» сафида 34 та совринга эга чиқиб, олти бор «Олтин тўп»ни қўлга киритган.
Месси «Барселона» сафида барча мусобақалар доирасида 663 та гол уриб (клуб тарихидаги энг яхши натижа), 264 та голли узатма муаллифига айланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)