O‘zbekiston hududida qasddan odam o‘ldirgan shaxs qo‘shni mamlakatda qo‘lga olindi, deya xabar bermoqda IIV matbuot xizmati.
Qayd etilishicha, O‘zbekiston Bosh prokuraturasi va IIVning 2021-yil 20-fevraldagi qo‘shma farmoyishiga asosan “Zarbdor oyligi” va “Antiterror-Tozalash” tadbirlari o‘tkazilgan.
Tadbir davomida Jinoyat kodeksining 97-moddasi 2-qismida (qasddan odam o‘ldirish) ko‘rsatilgan jinoyatni sodir etib, tergov idoralaridan yashirinib yurgan, Norin tumanida yashagan fuqaro viloyat IIB Jinoyat qidiruv bo‘limi tezkor vakillari tomonidan Qirg‘izistonning Bishkek shahrida ushlangan.
Ushbu shaxs Qirg‘iziston Bosh prokuraturasining rozilik xatiga ko‘ra, Namangan viloyati IIB 6-sonli Tergov hibsxonasiga joylashtirilgan.
Bundan avval O‘zbekistonda qidiruvda bo‘lgan shaxs Rossiyada qo‘lga olingani, Sankt-Peterburg metrosida mast holda politsiyachilarga hujum qilgan o‘zbekistonlik 10 oyga qamalgani hamda Samarqandda 7 va 14 yoshli aka-ukalar 27 yoshli qo‘shni ayol tomonidan o‘ldirilgani haqida xabar berilgandi.
Izoh (0)