Ўзбекистон ҳудудида қасддан одам ўлдирган шахс қўшни мамлакатда қўлга олинди, дея хабар бермоқда ИИВ матбуот хизмати.
Қайд этилишича, Ўзбекистон Бош прокуратураси ва ИИВнинг 2021 йил 20 февралдаги қўшма фармойишига асосан «Зарбдор ойлиги» ва «Антитеррор-Тозалаш» тадбирлари ўтказилган.
Тадбир давомида Жиноят кодексининг 97-моддаси 2-қисмида (қасддан одам ўлдириш) кўрсатилган жиноятни содир этиб, тергов идораларидан яшириниб юрган, Норин туманида яшаган фуқаро вилоят ИИБ Жиноят қидирув бўлими тезкор вакиллари томонидан Қирғизистоннинг Бишкек шаҳрида ушланган.
Ушбу шахс Қирғизистон Бош прокуратурасининг розилик хатига кўра, Наманган вилояти ИИБ 6-сонли Тергов ҳибсхонасига жойлаштирилган.
Бундан аввал Ўзбекистонда қидирувда бўлган шахс Россияда қўлга олингани, Санкт-Петербург метросида маст ҳолда полициячиларга ҳужум қилган ўзбекистонлик 10 ойга қамалгани ҳамда Самарқандда 7 ва 14 ёшли ака-укалар 27 ёшли қўшни аёл томонидан ўлдирилгани ҳақида хабар берилганди.
Изоҳ (0)