“Manchester Siti” Angliya Kubogi chorak finali doirasida kechgan “Everton”ga qarshi 20-mart kungi o‘yinda 2:0 hisobidagi g‘alabani qo‘lga kiritdi.
Pep Gvardiola qo‘l ostidagi jamoa safar o‘yinlaridagi mag‘lubiyatsiz seriyasini 17 taga yetkazib oldi — 15 g‘alaba, 2 durang. Bu klub rekordi hisoblanadi. Avvalgi eng yaxshi natija 1999-yilda qayd etilgandi.
“Shaharliklar” so‘nggi bor 2020-yilning 21-noyabrida “Tottenhem”ga qarshi kechgan safar o‘yinida mag‘lub bo‘lgandi.
“Manchester Siti” keyingi safar o‘yinini 3-aprel kuni APL doirasida “Lester”ga qarshi o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)