Futbol bo‘yicha BAA Pro-Ligasining 22-turidan o‘rin olgan bir qator uchrashuvlar 20-mart, shanba kuni bo‘lib o‘tdi.
“Shabob al-Ahli” safarda “Az-Zafra” bilan o‘ynadi va 2:1 hisobidagi g‘alabani qo‘lga kiritdi. Uchrashuvning asosiy tarkibida maydonga tushgan Odil Hamrobekov 64-daqiqada zaxira olingan bo‘lsa, Jaloliddin Masharipov 90 daqiqa o‘ynadi.
“Sharja” “Al-Vasl” mehmoni bo‘ldi. Ikkita to‘p farqi bilan ortda borayotgan mehmonlar o‘yin so‘nggida vaziyatni o‘ngladi va durang natijaga erishdi. Mazkur bahsda o‘zbekistonlik yarim himoyachi Otabek Shukurov to‘liq harakat qildi.
Doston Hamdamovning “Hatta”si esa “Baniyas” maydoniga safar qildi va minimal hisobdagi mag‘lubiyatni qabul qilib oldi. Hamdamov 69-daqiqada zaxiraga olindi.
“Sharja” 41 ochko bilan 3-o‘rinda bormoqda va peshqadam “Baniyas”dan 7 ochko ortda qolgan. “Shabob al-Ahli” 40 ochko bilan 4-pog‘onadan joy olgan bo‘lsa, “Hatta” (8) so‘nggi o‘rinda bormoqda.
BAA Pro-Ligasi
22-tur bahslari
20-mart, shanba
“Az-Zafra” — “Shabob al-Ahli” 1:2
Gollar: 0:1 – 11, penalti Kartabiya, 1:1 – 53 Mzauiyyani, 1:2 – 67, avtogor Pavlov.“Al-Vasl” — “Sharja” 3:3
Gollar: 1:0 – 15 Joao Figeyredo, 2:0 – 41 Joao Figeyredo, 2:1 – 49 Velliton, 3:1 – 50 Salmin, 3:2 – 76 Rashid, 3:3 – 90+2 Solih“Baniyas” — “Hatta” 1:0
Gol: 1:0 – 28 Ximenes.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)