21-mart kuni ijtimoiy tarmoqlarda Andijon viloyati Asaka tumanidagi maktabda o‘qituvchi o‘quvchini kaltaklagani aks etgan video tarqaldi. Holatga Asaka tuman xalq ta’limi bo‘limi munosabat bildirdi.
Qayd etilishicha, videolavha umumiy o‘rta ta’lim maktabi faoliyati tuman xalq ta’limi bo‘limi tomonidan o‘rganilgan. Holat tumandagi 49-umumiy o‘rta ta’lim maktabida yuz bergan.
Maktabning boshlang‘ich sinflarda tasviriy san’at va musiqa fani o‘qituvchisi bo‘lgan M.U. ushbu maktabning 4-sinfida o‘qiyotgan o‘g‘li I.M.ni kaltaklagan. Bunga o‘quvchi dars vaqtida so‘roqsiz uyiga ketib qolgani uchun sinf rahbari Sh.E. o‘quvchini surishtirib, onasiga u darsda ishtirok etmaganini aytgani sabab bo‘lgan. Shundan keyin onaning jahli chiqib, o‘z farzandini urgan.
Holat yuzasidan Asaka tumani tumani voyaga yetmaganlar komissiyasiga murojaat etilgan.
Avvalroq Angrenda o‘qituvchi dars payti o‘quvchini urgani haqida xabar berilgan edi. Keyinchalik o‘quvchi darsga xalaqit bergani, o‘qituvchi tomonidan bir necha bor ogohlantirilishiga qaramasdan, o‘qituvchiga noo‘rin so‘zlarni gapirgani aniqlangan va kaltaklagan o‘quvchining ota-onasi jarimaga tortilgandi.
Izoh (0)