MJ Developers raisi Murari Lal Jalan O‘zbekistonda bir necha yil yashab, hukumatning qo‘llab-quvvatlashiga amin bo‘lib, o‘z taassurotlari bilan bo‘lishdi va Prezident Shavkat Mirziyoyevning haqiqatdan ham dunyo miqyosidagi lider ekanligini aytib o‘tdi.
O‘zbekistonning jadal iqtisodiy rivojlanishi, xalqaro maydonda uning nufuzining mustahkamlanishi va mamlakatning har tomonlama ravnaqi Shavkat Mirziyoyevning oqilona va mohirona rahbarligisiz mumkin bo‘lmagan bo‘lar edi. Shuningdek, mamlakat rahbarining ko‘chmas mulk sohasidagi siyosati Hindiston bosh vaziri Narendra Modining siyosati bilan mutanosibligi ham janob Jalan uchun juda ahamiyatlidir.
2018-yil 28-sentabrda O‘zbekiston Prezidentining Hindistonga rasmiy tashrifi vaqtida MJ Developers O‘zbekiston hukumati bilan summasi 100 million AQSh dollarini tashkil etadigan sarmoya bitimini imzoladi.
“Ushbu loyiha nafaqat foyda olish, balki Minerva City aholisiga qulay va ekologik sharoitlarni yaratish uchun ham yo‘naltirilgandir”, — deydi Hindistonning O‘zbekistondagi elchisi Manish Prabxat Minerva City’dagi Xalqaro xotin-qizlar kuniga bag‘ishlangan tadbirda.
Elchining so‘zlariga ko‘ra, ushbu loyiha O‘zbekiston va Hindiston o‘rtasidagi muvaffaqiyatli hamkorlikning namunasidir. Sarmoyadorlar, quruvchilar va arxitektorlarning kuchli jamoasi ikki mamlakat qanchalik yaqin hamkorlik qilishlarini ko‘rsatib beradi.
“MJ Developers loyihalari Hindiston va O‘zbekistonning do‘stligida muhim ko‘rsatkich bo‘ladi. Nafaqat madaniy aloqalar, balki ikki mamlakat o‘rtasidagi infrastrukturaning rivojlanishidagi texnik nou-xau ham mustahkamlanadi va yangi darajaga chiqadi”, — deb qo‘shimcha qildi Manish Prabxat.
Janob Jalanning qissasi aksariyat yosh tadbirkorlarga stimul bo‘lib xizmat qiladigan, ilhomlantiruvchi qissalardan biridir. Janob Jalanning familiyasi ko‘plab dunyoga mashhur biznesmenlar familiyasi bilan tenglasha oladi. O‘smirlik davridanoq u otasi bilan oilaviy biznes — qog‘oz savdosining rivojlanishi ustida ish olib borgan.
U ko‘plab kompaniyalarda ishlagan, biznesning barcha jihatlarini o‘rganib, 23 yoshida umuman yangi sanoat — fototasvir yo‘nalishida o‘z biznesini ochishga qaror qiladi. Yosh tadbirkor o‘z fotolaboratoriyasini ochadi va bu tez orada haqiqiy ishbilarmonlarcha yondoshuv orqali butun Hindiston bo‘ylab ko‘plab laboratoriyalarga aylanadi. Ushbu davrdan Murari Lal Jalanning karyerasi yuksak cho‘qqi tomon yo‘nalmoqda.
90 yillarda Rossiyaning iqtisodiyotiga ham o‘z nigohini tashlagan holda u yerda ham fotolaboratoriyalar biznesini yo‘lga qo‘yadi.
Keyinchalik hammasi bir tekisda davom etadi. Uning kelajakni ko‘ra olish qobiliyati va shahdam qadamlari o‘z shaxsiy biznesining rivojlanishiga yo‘l ochdi.
To‘qsoninchi yillar sarhadida distribyutorlik biznesida muvaffaqiyatga erishgan janob Jalan qator mamlakatlar va tashkilotlarda o‘z faoliyatini boshlaydi, keyingi o‘n yillikda biznesning turli jabhalarida, jumladan, BAA va Hindistonning ko‘chmas mulk bozorida ham ishtirok etadi.
Janob Jalan O‘zbekistonga kelish va o‘zini mamlakatdagi ko‘chmas mulk sohasidagi turli-tuman loyihalarga baxsh etish baxtiga ham muyassar bo‘ldi. Bugungi kunda kompaniya respublika bo‘ylab 4 yirik loyihani amalga oshirmoqda:
Mehmonxona
5 yulduzli mehmonxona (2,75 Ga) Buxoro shahri
Aqlli shahar loyihalari
- Namangan Square (18 Ga) Namangan shahri
- Minerva City (100 Ga) Toshkent shahri
- Lake City (100 Ga) Toshkent shahri
MJ Developers boshqa chet el tadbirkorlarini ortda qoldirib, O‘zbekistonga deyarli katta mablag‘larni sarmoya qildi va endi bu yerda infrastrukturani rivojlantirishning ustida ishlamoqda. Bu Hindistonning muhtaram bosh vaziri Narendra Modi va O‘zbekiston Prezidenti Shavkat Mirziyoyevning qarashlarini birlashtirdi.
Butun dunyo bo‘ylab tijorat va ijtimoiy faoliyat bilan shug‘ullanib kelayotgan, janob Jalan o‘z tarixiy vatani haqida ham unutgani yo‘q. Yaqinda Hindiston jamiyatini Murari Lal Jalan tomonidan Jet Airways kompaniyasi sotib olinganligi haqidagi yangilik hayratga soldi. Bu tariqa Jalan kompaniyani bankrotlik va tugatilishdan asrab qoldi.
Jet Airways — Hindistonning uzoq yillik va butun dunyoga mashhur aviakompaniyalaridan biri. Jet Airways’ni o‘z portfeliga qo‘shishi janob Jalanning haqiqatdan ko‘zga ko‘rinarli yutug‘idir. Bundan tashqari, Murari Lal Jalan O‘zbekistonda turli sektorlarda, jumladan, tog‘-kon sanoati, aviatsiya va moliya sohalarida ham o‘z faoliyatini kengaytirishni istaydi.
Uning asosiy maqsadi — butun dunyoda jamiyat hayotini yaxshilash. U Hindistonda tug‘ilgan, BAA fuqarosi, lekin Murari Lal Jalan hech shubhasiz, dunyo fuqarosi deb atalishga haqlidir.
Sayt: themjdevelopers.com
Murari Lal Jalanning ijtimoiy tarmoqlardagi sahifalari:
Reklama huquqi asosida.
Izoh (0)