TEAM universiteti (TEAM) va London South Bank University (LSBU) — ikki universitet o‘rtasida yangi shartnoma imzolanganligini mamnuniyat bilan e’lon qiladi.
Ushbu shartnomaning maqsadi — LSBUning bir qator bakalavriat kurslarini, shu jumladan, TEAMda o‘qitiladigan “Tadbirkorlik va xalqaro biznes”, “Tadbirkorlik va raqamli innovatsiyalar”, “Tadbirkorlik va kreativ sanoatlar” kurslarini tasdiqlash niyatidan iborat bo‘lib, ularning yakunida TEAM bitiruvchilari LSBUning oliy ma’lumot to‘g‘risidagi diplomini qo‘lga kiritadi (TEAM universiteti LSBUning barcha rasmiy shartlarini bajarishi sharti bilan).
Ta’kidlash joizki, TEAM va LSBU o‘rtasida 2020-yilda boshlangan hamkorlik, O‘zbekistondagi birinchi tadbirkorlik universitetini tashkil etishda allaqachon o‘z samarasini berdi.
LSBU haqida qisqacha
LSBU 1892-yilda tashkil etilgan. Ushbu universitet har yili QS reytingi bo‘yicha muntazam dunyoning Top-750 ro‘yxatiga kiradi, shuningdek, 2018—2019-yillarda talabalarni ish bilan ta’minlash bo‘yicha “Buyuk Britaniyaning eng yaxshi universiteti” deb tan olingan. 2016-yilda LSBU Times Higher Education Awards tomonidan “Yilning eng yaxshi tadbirkorlik universiteti” deb topildi.
TEAM haqida
TEAM university O‘zbekistondagi tadbirkorlik universitetidir. Bu shaxsiy kompaniyalari va startaplarini yaratishga tayyor bo‘lgan hamda mamlakat iqtisodiyotini rivojlantirishda faol ishtirok etadigan, tadbirkorlik tafakkuriga ega bitiruvchilarni tayyorlaydigan universitetdir. TEAM talabalarga nafaqat bugun, balki to‘rt yil o‘tgach, o‘qishni tugatgandan so‘ng O‘zbekiston bozorida ish bilan ta’minlash uchun zarur bo‘lgan nazariy, amaliy bilimlarni ham berishni maqsad qilgan.
TEAM universiteti O‘zbekiston Respublikasi Vazirlar Mahkamasining 2020-yil 18-apreldagi 241-sonli qarori bilan tashkil etilgan. Universitet o‘z faoliyatini O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi tomonidan berilgan 0007-sonli litsenziya asosida olib boradi. Qarorga muvofiq, TEAM universitetiga bakalavrlar va magistrlarni tayyorlash, shuningdek, ilmiy tadqiqotlar o‘tkazish huquqi berilgan. Universitet diplomi O‘zbekistonda oliy ma’lumot to‘g‘risidagi hujjat sifatida tan olinadi.
TEAMda ta’lim
TEAM universiteti talabalarga o‘qishning birinchi yilida Xalqaro umumta’lim kursi (International Foundation Course)ni o‘qishni taklif etadi, shundan so‘ng talabalar quyidagi uchta yo‘nalish bo‘yicha o‘qishni davom ettirishadi:
- “Tadbirkorlik va xalqaro biznes”;
- “Tadbirkorlik va raqamli innovatsiyalar”;
- “Tadbirkorlik va kreativ sanoatlar”.
TEAM tadbirkorlik oliy ta’lim muassasasi sifatida muvaffaqiyatli tadbirkorlarning mahorat, ko‘nikma va malakalarini, o‘ziga xos fikrlashini rivojlantirishga qaratilgan konsepsiyaga e’tibor beradi. Universitetning ta’lim dasturi 4 yillik o‘qishdan keyin muvaffaqiyatli va tez ishga joylashishga qodir va tayyor mutaxassislarni yetishtiradigan qilib ishlab chiqilgan. Bunga O‘zbekistondagi yetakchi kompaniyalar bilan hamkorlikni o‘z ichiga olgan sanoat sohalari bilan yaqin aloqalar hamda ushbu tashkilotlarda olib boriladigan stajirovka dasturlari orqali erishiladi. TEAM universitetidagi ta’lim standartlari Buyuk Britaniyaning sifat mezonlariga javob beradi va bitiruvchilarga nafaqat O‘zbekistonda, balki chet ellarda ham o‘z mehnat faoliyatini olib borishga imkoniyat yaratadi.
TEAM universitetida talabalarga nufuzli o‘qituvchilar jamoasi saboq beradi. Unda butun dunyodan kelgan amaliy va akademik bilimlarga ega bo‘lgan insonlar, xalqaro miqyosda tan olingan eng yuqori darajadagi mutaxassislar to‘plangan. Umumiy o‘qituvchilar tarkibining 30 foizi chet elliklardir.
Talabalarga shtatdagi o‘qituvchilardan tashqari, taklif etilgan ma’ruzachilar — TEAM asoschilari Hikmat Abdurahmonov va Zafar Hoshimov hamda vasiylik kengashi a’zosi Alan P. France dars beradi. Ular o‘zlarining shaxsiy va hayotiy tajribalariga asoslanib, talabalarni zamonaviy ishbilarmonlik dunyosida tez-tez yuzaga keladigan turli xil qiyin vaziyatlarda qaror qabul qilishga o‘rgatadi.
TEAM kampusi
TEAM universiteti kampusi bu qulay sinf xonalari, kovorking hududlari, ochiq jamoat joylari va avtoturargohlarga ega zamonaviy binodir. Talabalarga unumli ta’lim olish va o‘zlarini qulay muhitda namoyon etish uchun barcha sharoitlar yaratilgan. Bundan tashqari, TEAM universiteti ma’muriyati dunyodagi COVID-19 koronavirus pandemiyasi sababli yuzaga kelgan vaziyatni hisobga olgan holda, o‘quv jarayonidagi xatarlarni va yuzaga kelishi mumkin bo‘lgan o‘zgarishlarni hisobga oladi. TEAM universiteti onlayn, aralash va an’anaviy tartibda o‘qitishning mo‘ljallangan natijalariga erishishga imkon beradigan materiallarni ishlab chiqmoqda va o‘quv texnologiyalaridan foydalanishga tayyorgarlik ko‘rmoqda.
TEAM kampusi fotosuratlarining to‘liq galereyasi bilan bu yerda tanishishingiz mumkin.
TEAM universitetida o‘qishdan tashqari hayot
TEAM bu nafaqat ta’limdir! Bu shuningdek, o‘qishdan tashqari qiziqarli va faol hayot ham demakdir. TEAM universiteti talabalari bo‘sh vaqtida o‘ndan ortiq turli to‘garaklarga, shu jumladan, musiqa va badiiy rassomchilik to‘garaklariga qatnashishlari mumkin. TEAM o‘quvchilarning sog‘lom turmush tarziga ham katta e’tibor beradi. Talabalar turli xil sport tadbirlarida, jumladan, fitnes va yoga mashg‘ulotlarida, futbol va basketbol musobaqalarida, stol o‘yinlarida ishtirok etishi mumkin.
Qanday qilib TEAM talabasi bo‘lish mumkin?
TEAM universitetiga o‘qishga kirish uchun hujjat topshiruvchilar quyidagi talablarga javob berishi kerak:
- kamida 5,5 ball (Overall 5.5; Writing 5.0) bo‘lgan IELTS sertifikatining nusxasi yoki uning ekvivalenti;
- o‘rta yoki o‘rta maxsus ma’lumot to‘g‘risidagi shahodatnoma nusxasi;
- pasport nusxasi;
- www.registration.teamuni.uz saytida to‘ldirilgan universitet anketasi (Application Form).
TEAMda o‘qish narxi
TEAM universitetida 1 o‘quv yili uchun shartnoma narxi 38 348 000 so‘mni tashkil qiladi.
TEAM shartnomani bo‘lib to‘lashning qulay shartlarini taklif etadi. Shartnoma 9 oy davomida, har oyda to‘lanishi sharti bilan bir oy uchun to‘lov miqdori 4 270 000 so‘mni tashkil etadi.
TEAM talabalari uchun imtiyozlar
TEAM university talabalarga keng ko‘lamli ta’lim grantlarini, shu jumladan, ilmiy natijalar uchun grantlar va sheriklik grantlarini taqdim etadi. Universalbank, HM-Partners, Gross Insurance, Korzinka.uz va Kapitalbank kabi O‘zbekistonning yetakchi tashkilotlari bilan hamkorlikda TEAM abituriyentlar uchun ta’lim grantlarini taqdim etadi. Grantlar soni va shartlari qisqa vaqt ichida e’lon qilinadi.
Eslatib o‘tamiz, 2021—2022-o‘quv yili uchun hujjatlarni qabul qilish allaqachon boshlangan. Joylarning soni cheklangan. G‘ayratli va muvaffaqiyatga intiluvchi talabalar jamoasiga qo‘shilishga shoshiling. TEAMga o‘qishga kiring!
Batafsil ma’lumot uchun:
Veb-sayt: www.teamuni.uz
Telegram: t.me/teamuni_uz
Instagram: teamuni_uz
Facebook: www.facebook.com/teamuni.uz/
YouTube: TEAM University
Bog‘lanish uchun: + 99871 200 20 60, + 99871 202 30 31 (dushanbadan jumagacha, soat 09:00 dan 18:00 gacha)
Reklama huquqi asosida.
Izoh (0)