Reebok va Maison Margiela kompaniyalari yana bir bor hamkorlikdagi ishini taqdim etdi — bu safar klassik Club C modeli qayta yaratildi, deb xabar beradi “Afisha.uz”.
Reebok krossovkalari Maison Margiela trompe l’oeil (illyuziya) texnikasi bilan boyitilgan. Oyoq kiyimga original Club C modelining tasviri maxsus qoplama orqali tushirilgan bo‘lib, bu barcha egri chiziqlar va choklarni yagona charm bo‘lagida saqlab qolish imkonini bergan.
Model oq va qora ranglarda taqdim etilgan bo‘lib, ular ikki qismga bo‘lingan “tabi paypog‘i”ga ega bo‘lmagan. Ikkala brend logotiplari yorliqqa joylashtirilgan.
Yangi oyoq kiyim 24-martdan sotuvga chiqadi. Uni Maison Margiela va Reebok saytlari orqali 300 dollarga xarid qilish mumkin.
Avvalroq Gucci virtual krossovkalarni sotuvga chiqargani, ularni mobil ilova orqali “kiyib ko‘rish” va xarid qilish mumkinligi to‘g‘risida xabar berilgandi.
Izoh (0)