Rossiyaning Novosibirsk viloyatida restavratsiya qilingan 1966-yilgi “GAZ-21” sotuvga qo‘yildi. Sakkiz yil davomida qayta tiklangan avtomobil 1,8 million rublga (24,6 ming AQSh dollari) baholanmoqda, deb xabar beradi Motor.
Sotuvga qo‘yilgan “Volga” oq-qizil kuzovga ega va interyeri ham shu kabi charm bilan qoplangan. Qayta tiklangan avtomobil ideal holatda. Sotuvchining so‘zlariga ko‘ra, mutaxassislar restavratsiya jarayonida faqat original ehtiyot qismlardan foydalangan. Muhandislar kuzov detallarini ham, interyer elementlarini ham zavod kataloglari bo‘yicha tiklagan.
Orqa uzatmali “Volga” 64 ot kuchiga teng 2,4 litrli benzin dvigatel bilan jihozlangan bo‘lib, mexanik transmissiya bilan juftlikda ishlaydi. 55 yillik avtomobilning maksimal tezligi soatiga 130 kilometrni tashkil etadi. E’longa ko‘ra, sotuvga qo‘yilgan nusxaga hozirga qadar bir kishi egalik qilgan va 2,5 ming kilometr yo‘l bosgan xalos.
Avvalroq Rossiyada 30 yillik “Volga” yangi Kia narxida sotuvga qo‘yilgani to‘g‘risida xabar berilgandi.
Izoh (0)