Yaponiyaning Honda kompaniyasi avtomobillar uchun virus zarralarini 100 foiz ushlab qolib, yo‘q qilishga qodir deya ta’riflanayotgan salon filtrini yaratdi, deb xabar beradi Motor.
Koronavirusga qarshi yangi filtr to‘rt qavat materialdan iborat: dastlabki ikkitasi chang va gul changlarini tutib qoluvchi mikrotoladan iborat, uchinchisida havoni filtrlash uchun aktivlashtirilgan ko‘mir bor va nihoyat, to‘rtinchisida virus zarralarini tutib qoluvchi mevali ekstrakt mavjud.
“Jamiyat hozirda har qachongidan ham koronavirus kabi viruslarning inson organizmiga ta’siri oqibatlaridan xabardor bo‘lgani sabab, biz bunday filtrlarga bo‘lgan talab tez ortishiga umid qilmoqdamiz”, — deydi Honda Access Europe NV prezidenti Eyiti Xino.
Mazkur filtr hozirda Honda’ning Yevropa bozorlaridagi barcha aktual modellariga standart salon filtri o‘rnidagi opsiya sifatida o‘rnatilmoqda. Bunga qo‘shimcha ravishda kompaniya avtomobil yo‘lovchilarining koronavirusga chalinmasligiga yordam beradigan masalahatlar bilan ham bo‘lishyapti. Masalan, salon filtrini odatdagidan tezroq almashtirish kerak, shuningdek, avtomobil salonini tez-tez shamollatib, havo aylanishini maksimal ta’minlash zarur.
Eslatib o‘tamiz, 2020-yilning iyulida yangi Rolls-Royce Ghost antivirus himoyaga ega bo‘lishi ma’lum qilingadi.
Izoh (0)