Shoxrux Shoahmedov Parkent tumaniga hokim etib tayinlandi, deb xabar bermoqda Toshkent viloyati hokimligi matbuot xizmati.
Lavozimga tayinlangunga qadar u Agrosanoat majmui va oziq-ovqat ta’minoti sohasidagi loyihalarni amalga oshirish agentligining bosh direktori lavozimida faoliyat yuritgan. Undan avval Markaziy bank raisi o‘rinbosari lavozimida ham ishlagan.
Shoxrux Shoahmedov 1979-yilda Toshkent shahrida tug‘ilgan. 2000-yilda Jahon iqtisodiyoti va diplomatiya universiteti, 2002-yilda Toshkent davlat iqtisodiyot universitetini (magistratura) hamda 2004-yilda Sankt-Peterburg Fuqaro akademiyasini tamomlagan.
U ushbu lavozimda Nig‘mat Muhamedov o‘rnini egalladi.
Izoh (0)