Jizzaxda tanishini do‘pposlab o‘ldirib, yoqib yuborgan ikki erkak qo‘lga olindi, deb xabar beradi IIV axborot xizmati.
Ma’lum bo‘lishicha, muqaddam sudlangan uch nafar shaxs spirtli ichimliklar ichib o‘tirganida, ular o‘rasida o‘zaro kelishmovchilik yuzagan kelgan. Ulardan ikki nafari sherigini kimsasiz joyga olib borib, do‘pposlab o‘ldirgan va jinoyatni yashirish maqsadida murdaning tanasini yoqib yuborgan.
IIB xodimlari gumonlanuvchilar voqea sodir bo‘lishidan bir necha soat avval marhum bilan do‘konga kirganini videoyozuvlar orqali aniqlagan.
Ta’kidlanishicha, marhum fuqaro Paxtakor tumanidagi Paxtakor qishlog‘ida yashagan, 1965-yil tug‘ilgan, muaqaddam bir necha marta sudlangan. O‘tkazilgan sud ekspertizasi uning o‘limiga tana qismiga yetkazilgan ko‘plab jarohatlar sabab bo‘lganini ko‘rsatgan.
Shuningdek, ayblanuvchilardan biri 1966-yilda tug‘ilgan shaxs bo‘lib, u marhum bilan qo‘shni bo‘lgan. Ikkinchi ayblanuvchi esa 1981-yilda tug‘ilgan, Paxtakor tumanidagi “Olmazor” mahallasida istiqomat qilgan.
Avvalroq Samarqandda muqaddam odam o‘ldirgan shaxs yana bir fuqaroning hayotiga zomin bo‘lgani, Surxondaryoda to‘satdan vafot etgani aytilgan shaxs kaltaklab o‘ldirilgani aniqlangani hamda Samarqandda turmush o‘rtog‘ini pichoqlab o‘ldirgan shaxs 9 yilga qamalgani haqida xabar berilgandi.
Mavzuga doir:
- Toshkent viloyatida 22 yoshli yigit 60 yoshli haydovchining Matiz’ini “zapchast”ga sotish uchun unga 42 marta pichoq urib o‘ldirdi
- Samarqandda to‘rt yigit ularning ayol qarindoshiga birga bo‘lishni taklif qilgan erkakni o‘ldirib, jasadini kanalga oqizib yubordi
- Toshkentda “Burdalangan murda ishi” bo‘yicha sud hukmi o‘qildi. Jinoyatchilardan biri — “Zulfiya” mukofoti sohibasi
Izoh (0)