Qashqadaryo viloyati hokimi Zoir Mirzayevning ma’lumot berishicha, viloyatda oxirgi 10 kunda 8000 nafardan ortiq fuqarodan koronavirusga qarshi test olingan. Test natijalariga ko‘ra, hududda kasallik chalinish holati qayd etilmagan.
“Ammo ehtiyotkorlik va tartib-intizom kelgusida har birimizning salomatligimiz mustahkamligiga xizmat qiladi. Shunday ekan, jamoat joylari va transport vositalarida tibbiy niqobsiz yurish qonunchilikka asosan jarimaga tortishga sabab bo‘ladi”, — deya hokim so‘zlaridan iqtibos keltiradi viloyat hokimligi axborot xizmati.
Hokimlik, shuningdek, viloyatdagi ijobiy holatni saqlab qolish maqsadida har bir fuqarodan ko‘chaga otlanganda niqobda bo‘lishni, karantin qoidalariga amal qilish lozimligini so‘ragan.
Avvalroq Adliya vazirligi jamoat joylarida tibbiy niqobsiz yurganlik uchun jarima borligini eslatib o‘tgan bo‘lsa, Andijon davlat universiteti axborot xizmati universitetning Axborot-resurs markazi hamda obodonlashtirish xodimlarining 6 nafarida koronavirus aniqlanganini ochiqlagandi.
Mavzuga doir:
- Toshkentda taksi va qurilish sohasida koronavirus bo‘yicha nazorat kuchaytiriladi
- Toshkentda 1-apreldan ommaviy tadbirlarni vaqtincha to‘xtatish taklif qilindi
- Toshkentdagi bozor va savdo markazlarida karantin talablari kuchaytirildi
- Toshkentning Mirzo Ulug‘bek, Chilonzor va Yunusobod tumanidagi barcha maktablar onlayn ta’limga o‘tadi
Izoh (0)