Жиззахда танишини дўппослаб ўлдириб, ёқиб юборган икки эркак қўлга олинди, деб хабар беради ИИВ ахборот хизмати.
Маълум бўлишича, муқаддам судланган уч нафар шахс спиртли ичимликлар ичиб ўтирганида, улар ўрасида ўзаро келишмовчилик юзаган келган. Улардан икки нафари шеригини кимсасиз жойга олиб бориб, дўппослаб ўлдирган ва жиноятни яшириш мақсадида мурданинг танасини ёқиб юборган.
ИИБ ходимлари гумонланувчилар воқеа содир бўлишидан бир неча соат аввал марҳум билан дўконга кирганини видеоёзувлар орқали аниқлаган.
Таъкидланишича, марҳум фуқаро Пахтакор туманидаги Пахтакор қишлоғида яшаган, 1965 йил туғилган, муақаддам бир неча марта судланган. Ўтказилган суд экспертизаси унинг ўлимига тана қисмига етказилган кўплаб жароҳатлар сабаб бўлганини кўрсатган.
Шунингдек, айбланувчилардан бири 1966 йилда туғилган шахс бўлиб, у марҳум билан қўшни бўлган. Иккинчи айбланувчи эса 1981 йилда туғилган, Пахтакор туманидаги «Олмазор» маҳалласида истиқомат қилган.
Аввалроқ Самарқандда муқаддам одам ўлдирган шахс яна бир фуқаронинг ҳаётига зомин бўлгани, Сурхондарёда тўсатдан вафот этгани айтилган шахс калтаклаб ўлдирилгани аниқлангани ҳамда Самарқандда турмуш ўртоғини пичоқлаб ўлдирган шахс 9 йилга қамалгани ҳақида хабар берилганди.
Мавзуга доир:
- Тошкент вилоятида 22 ёшли йигит 60 ёшли ҳайдовчининг Matiz’ини «запчаст»га сотиш учун унга 42 марта пичоқ уриб ўлдирди
- Самарқандда тўрт йигит уларнинг аёл қариндошига бирга бўлишни таклиф қилган эркакни ўлдириб, жасадини каналга оқизиб юборди
- Тошкентда «Бурдаланган мурда иши» бўйича суд ҳукми ўқилди. Жиноятчилардан бири — «Зулфия» мукофоти соҳибаси
Изоҳ (0)