Yarim o‘rta vazn toifasida UFC chempioni Kamaru Usmon (18-1) navbatdagi jangini Xorxe Masvidalga (35-14) qarshi o‘tkazadi. Bu haqda UFC prezidenti Deyna Uayt xabar qildi.
Mazkur jang 24-aprel kungi bo‘lib o‘tadigan UFC 261 musobaqasining asosiy voqeasi bo‘ladi.
Shuningdek, mazkur MMA oqshomida yana ikkita chempionlik jangi o‘tkaziladi. Ayollar divizionining mutlaq yengil vazn toifasi chempioni qirg‘izistonlik Valentina Shevchenko (20-3) Jessika Andradega (21-8) qarshi oktagonga ko‘tariladi. Minimal vazn chempionlik kamari sohibi Veyli Jang (21-1) esa Rouz Namayunas (9-4) bilan jang qiladi.
Eslatib o‘tamiz, Usmon va Masvidal 2020-yilning iyulida UFC 251 musobaqasida o‘zaro jang qilgan va unda Kamaru hakamlar qaroriga ko‘ra g‘olib deb topilgandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)