Ярим ўрта вазн тоифасида UFC чемпиони Камару Усмон (18-1) навбатдаги жангини Хорхе Масвидалга (35-14) қарши ўтказади. Бу ҳақда UFC президенти Дэйна Уайт хабар қилди.
Мазкур жанг 24 апрель кунги бўлиб ўтадиган UFC 261 мусобақасининг асосий воқеаси бўлади.
Шунингдек, мазкур MMA оқшомида яна иккита чемпионлик жанги ўтказилади. Аёллар дивизионининг мутлақ енгил вазн тоифаси чемпиони қирғизистонлик Валентина Шевченко (20-3) Жессика Андрадега (21-8) қарши октагонга кўтарилади. Минимал вазн чемпионлик камари соҳиби Вейли Жанг (21-1) эса Роуз Намаюнас (9-4) билан жанг қилади.
Эслатиб ўтамиз, Усмон ва Масвидал 2020 йилнинг июлида UFC 251 мусобақасида ўзаро жанг қилган ва унда Камару ҳакамлар қарорига кўра ғолиб деб топилганди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)