O‘zbekiston hukumati 2020-yilda tashqi-internet kanalini kengaytira olmadi. Bu haqda Axborot texnologiyalari va kommunikatsiyalarini rivojlantirish vazirligi ma’lumotlariga tayanib Spot xabar berdi.
Amalga oshirilgan ishlar haqida ma’lumot bergan vazirlikning qayd etishicha, xalqaro internet tarmog‘iga ulanishning umumiy o‘tkazuvchanlik qobiliyati 1 200 Gbit/s. gacha yetkazildi. Bu haqiqatan ham shunday, ammo bunga 2018-yildayoq erishilgandi, 2020-yilda esa kanalni 3000 Gbit/s. gacha yetkazish rejalashtirilgandi.
2021-yil yanvar oyi natijalariga ko‘ra, O‘zbekiston mobil internet tezligi bo‘yicha 140 mamlakat orasida 128-o‘rinni (12,9 Mbit /s), simli internet tezligi bo‘yicha esa 175 ta davlat orasida 94-o‘rinni egalladi (34,6 Mbit/s).
Avvalroq tadbirkorlar tashqi internet kanalidagi davlat monopoliyasini O‘zbekiston iqtisodiyotini rivojlantirish muammolaridan biri deb atagandi.
Mavzuga doir: 2020-yilgacha O‘zbekistonda tashqi internet kanaliga ulanish bo‘yicha monopoliyaga barham beriladi
Izoh (0)