Ўзбекистон ҳукумати 2020 йилда ташқи-интернет каналини кенгайтира олмади. Бу ҳақда Ахборот технологиялари ва коммуникацияларини ривожлантириш вазирлиги маълумотларига таяниб Spot хабар берди.
Амалга оширилган ишлар ҳақида маълумот берган вазирликнинг қайд этишича, халқаро интернет тармоғига уланишнинг умумий ўтказувчанлик қобилияти 1 200 Гбит/с. гача етказилди. Бу ҳақиқатан ҳам шундай, аммо бунга 2018 йилдаёқ эришилганди, 2020 йилда эса канални 3000 Гбит/с. гача етказиш режалаштирилганди.
2021 йил январь ойи натижаларига кўра, Ўзбекистон мобил интернет тезлиги бўйича 140 мамлакат орасида 128-ўринни (12,9 Мбит /с), симли интернет тезлиги бўйича эса 175 та давлат орасида 94-ўринни эгаллади (34,6 Мбит/с).
Аввалроқ тадбиркорлар ташқи интернет каналидаги давлат монополиясини Ўзбекистон иқтисодиётини ривожлантириш муаммоларидан бири деб атаганди.
Мавзуга доир: 2020 йилгача Ўзбекистонда ташқи интернет каналига уланиш бўйича монополияга барҳам берилади
Изоҳ (0)