Anjey Malinovskiy Beeline Uzbekistan’ning yangi bosh direktoriga aylanadi. VEON xoldingi saytidagi ma’lumotlarga ko‘ra, u 15-martdan o‘z vazifasini bajarishga kirishgan.
Avvalroq 9-mart kuni VEON kompaniyasi Artashes Davtyan 2021-yil 15-martdan Beeline Uzbekistan bosh direktorligi lavozimiga tayinlanganini e’lon qilgandi. Biroq xoldingning ma’lum qilishicha, ishni qabul qilib olish jarayonini yakunlashning imkoni bo‘lmagan.
Anjey Malinovskiy 1968-yilning 21-iyunida tug‘ilgan, Polsha fuqarosi. Bunga qadar chakana savdo va elektron tijorat kompaniyalarida ishlagan. 2017-yildan buyon Beeline Georgia bosh direktori lavozimida faoliyat yuritib kelayotgan edi.
Mavzuga doir: Beeline Uzbekistan’ning 15-mart kuni ish boshlashi kerak bo‘lgan yangi bosh direktori o‘z lavozimidan voz kechdi
Izoh (0)