O‘zbekistonda 13-mart kuni o‘tkazilgan “Obod va ko‘rkam mahallam” obodonlashtirish va ko‘kalamzorlashtirish umumxalq xayriya hasharida jami 8 340 924 kishi, jumladan, 4 718 280 nafar yoshlar ishtirok etdi. Bu haqda, Mahalla va oilani qo‘llab-quvvatlash vazirligi matbuot xizmatiga tayanib, O‘zA xabar bermoqda.
Ma’lum qilishlaricha, hashar davomida umumiy hisobda 11 788 kilometr ariq va zovurlar tozalanib, 9 070 ta qabriston, 638 ta ziyoratgoh obodonlashtirilgan.
Shuningdek, ehtiyojmand aholi qatlamlariga ijtimoiy yordam ko‘rsatish maqsadida 5 768 ta oilaning uy-joyi ta’mirlab berilgan, 12 755 ta ehtiyojmand oila, xususan, 4 392 nafar nogiron va yolg‘iz qariyalarga 2,15 milliard so‘mlik moddiy yordam ko‘rsatildi.
“Eng muhimi, yurtimiz bo‘ylab tashkil etilgan bu yilgi an’anaviy umumxalq xayriya hashari davomida odamlar o‘rtasida mehr-oqibat rishtalarini mustahkamlanib, muhtojlar va yo‘qsillarga xayr-saxovat qilish kabi ezgu ishlar tashkil etildi”, — deyiladi vazirlik axborotida.
Ma’lumot uchun,
- 2020-yil 14—15-mart kunlari o‘tkazilgan hasharda 16 million,
- 2019-yil 18—19-avgust kunlari o‘tkazilgan hasharda 13,8 million,
- 2017-yil 11—12-mart kunlari o‘tkazilgan hasharda 22 million, 19—20-avgust kunlari o‘tkazilgan hasharda 18,6 million,
- 2016-yil 12—13-mart kunlari o‘tkazilgan hasharda 18,4 million, 20—21-avgust kunlari o‘tkazilgan hasharda 17 million,
- 2015-yil 14—15-mart kunlari o‘tkazilgan hasharda 18 million, 22—23-avgust kunlari o‘tkazilgan hasharda 17,8 million (yoki 17,5 millionga yaqin),
- 2014-yil 15-mart kuni o‘tkazilgan hasharda 12 million, 16—17-avgust kunlari o‘tkazilgan hasharda 17,5 million
Izoh (0)