Xabar berishlaricha, hashar davomida mahallalar, ko‘chalar va xiyobonlar, aholi xonadonlarida jami 8 088 298 tup daraxt, jumladan, 4 063 483 tup manzarali, 4 024 815 tup mevali daraxt ko‘chatlari, 4 990 207 tup gul ko‘chatlari ekilgan.
Vazirlik keltirgan ma’lumotlarga ko‘ra, hashar kuni ekilgan jami manzarali daraxtlarning 22,2 foizi Toshkent viloyatida, mevali daraxtlarning 29,6 foizi Namangan viloyatida, gullarning 24,2 foizi Toshkent viloyatida o‘tqazilgan. Hashar kuni qor bo‘roniga uchragan Qoraqalpog‘iston va Xorazmda har uchala yo‘nalishda ekilgan o‘simliklar ulushi 0,2 foizga ham yetmagan. Jumladan,
- Qoraqalpog‘iston bo‘yicha 7 942 ta manzarali, 6 393 ta mevali daraxt, 2 012 ta gul ko‘chatlari;
- Andijon viloyatida 239 650 ta manzarali, 329 907 ta mevali daraxt, 798 833 ta gul ko‘chatlari;
- Buxoro viloyatida 340 493 ta manzarali, 264 172 ta mevali daraxt, 251 198 ta gul ko‘chatlari;
- Jizzax viloyatida 88 566 ta manzarali, 50 211 ta mevali daraxt, 34 166 ta gul ko‘chatlari;
- Navoiy viloyatida 166 868 ta manzarali, 106 872 ta mevali daraxt, 169 269 ta gul ko‘chatlari;
- Namangan viloyatida 581 476 ta manzarali, 1 193 866 ta mevali daraxt, 926 517 ta gul ko‘chatlari;
- Samarqand viloyatida 373 401 ta manzarali, 336 748 ta mevali daraxt, 493 856 ta gul ko‘chatlari;
- Sirdaryo viloyatida 130 309 ta manzarali, 82 596 ta mevali daraxt, 85 430 ta gul ko‘chatlari;
- Surxondaryo viloyatida 160 110 ta manzarali, 71 962 ta mevali daraxt, 97 708 ta gul ko‘chatlari;
- Toshkent viloyatida 915 765 ta manzarali, 939 182 ta mevali daraxt, 1 209 622 ta gul ko‘chatlari;
- Farg‘ona viloyatida 764 984 ta manzarali, 455 549 ta mevali daraxt, 620 280 ta gul ko‘chatlari;
- Xorazm viloyatida 7 101 ta manzarali, 5 248 ta mevali daraxt, 2 441 ta gul ko‘chatlari;
- Qashqadaryo viloyatida 303 095 ta manzarali, 151 862 ta mevali daraxt, 195 903 ta gul ko‘chatlari;
- Toshkent shahri bo‘yicha 33 721 ta manzarali, 30 247 ta mevali daraxt, 100 971 ta gul ko‘chatlari ekildi.
“Mahallamga 30 tup daraxt mening tuhfam” shiori ostida mahallalardagi turar-joy mavzelari va ko‘chalarga tashabbuskor fuqarolar tomonidan qo‘shimcha ravishda 30 tupdan daraxt ko‘chatlari ekilgan. Vazirlik axborotida ushbu yo‘nalishda jami qancha daraxt ekilganiga aniqlik kiritilmagan.
Qayd etish joiz, vazirlik axborotida ko‘rsatib o‘tilgan ekilgan manzarali daraxtlar va gullar soni hududlar kesimida berilgan raqamlardan farq qilmoqda. Xususan, vazirlik axborotida 4 063 483 tup manzarali daraxt ekilgani qayd etilgan, hududlar kesimida berilgan sonlar yig‘indisi bo‘yicha ekilgan manzarali daraxtlar soni 49 998 taga ko‘p.
Shuningdek, vazirlik hashar kuni jami 4 990 207 ta gul o‘tqazilgani haqida hisobot bergan, biroq hududlar kesimida berilgan sonlar yig‘indisiga ko‘ra, hashar kuni ekilgan gullar soni vazirlikning yakuniy hisobotidagi raqamdan 2001 taga kam. Ayni vaqtda, mevali daraxtlar soni umumiy hisobotda ham, hududlar kesimida ham bir xil.
Izoh (0)