Ўзбекистонда 13 март куни ўтказилган «Обод ва кўркам маҳаллам» ободонлаштириш ва кўкаламзорлаштириш умумхалқ хайрия ҳашарида жами 8 340 924 киши, жумладан, 4 718 280 нафар ёшлар иштирок этди. Бу ҳақда, Маҳалла ва оилани қўллаб-қувватлаш вазирлиги матбуот хизматига таяниб, ЎзА хабар бермоқда.
Маълум қилишларича, ҳашар давомида умумий ҳисобда 11 788 километр ариқ ва зовурлар тозаланиб, 9 070 та қабристон, 638 та зиёратгоҳ ободонлаштирилган.
Шунингдек, эҳтиёжманд аҳоли қатламларига ижтимоий ёрдам кўрсатиш мақсадида 5 768 та оиланинг уй-жойи таъмирлаб берилган, 12 755 та эҳтиёжманд оила, хусусан, 4 392 нафар ногирон ва ёлғиз қарияларга 2,15 миллиард сўмлик моддий ёрдам кўрсатилди.
«Энг муҳими, юртимиз бўйлаб ташкил этилган бу йилги анъанавий умумхалқ хайрия ҳашари давомида одамлар ўртасида меҳр-оқибат ришталарини мустаҳкамланиб, муҳтожлар ва йўқсилларга хайр-саховат қилиш каби эзгу ишлар ташкил этилди», — дейилади вазирлик ахборотида.
Маълумот учун,
- 2020 йил 14—15 март кунлари ўтказилган ҳашарда 16 миллион,
- 2019 йил 18—19 август кунлари ўтказилган ҳашарда 13,8 миллион,
- 2017 йил 11—12 март кунлари ўтказилган ҳашарда 22 миллион, 19—20 август кунлари ўтказилган ҳашарда 18,6 миллион,
- 2016 йил 12—13 март кунлари ўтказилган ҳашарда 18,4 миллион, 20—21 август кунлари ўтказилган ҳашарда 17 миллион,
- 2015 йил 14—15 март кунлари ўтказилган ҳашарда 18 миллион, 22—23 август кунлари ўтказилган ҳашарда 17,8 миллион (ёки 17,5 миллионга яқин),
- 2014 йил 15 март куни ўтказилган ҳашарда 12 миллион, 16—17 август кунлари ўтказилган ҳашарда 17,5 миллион
Изоҳ (0)