Sadir Japarovning Toshkentga davlat tashrifi doirasida O‘zbekiston va Qirg‘iziston o‘rtasida jami 22 ta hujjat imzolandi. 11-mart kuni davlat rahbarlari qo‘shma bayonot qabul qildi va ikki mamlakat vazirliklari va hududlari rahbarlari imzolangan hujjatlar bilan almashdi.
Qirg‘iziston sog‘liqni saqlash va ijtimoiy rivojlanish vaziri Alimqodir Beyshenaliyev hujjatlarni almashish marosimida O‘zbekiston sog‘liqni saqlash vaziri Abduhakim Xojiboyevga qo‘l uzatmagani sababini aytdi, deb yozmoqda “Gazeta.uz” “AKIpress”ga tayanib.
“Protokolga ko‘ra, faqat shartnomalar almashish lozim edi. Barcha vazirlar qo‘l uzatmadi, aftidan, O‘zbekiston sog‘liqni saqlash vaziri buni unutdi. O‘z navbatida, men mumkin emasligini aytdim va qo‘l uzatmadim”, — degan u (video).
“Gazeta.uz”ning bildirishicha, boshqa rahbarlar haqiqatdan ham qo‘l siqishuvisiz faqat shartnomalar almashgan.
Izoh (0)