Futbol bo‘yicha Ispaniya La Ligasining 27-turida “Real” 13-mart, shanba kuni “Elche”ni qabul qildi.
Uchrashuvning birinchi bo‘limi maydon egalarining ustunligida o‘tdi, biroq madridliklar tanaffusga qadar hisobni o‘zgartira olmadi.
61-daqiqada Dani Kalvo burchakdan uzatib berilgan to‘pni boshi bilan darvozaga joylab, hisobni ochdi. 73-daqiqada Karim Benzema muvozanatni tiklagan bo‘lsa, hakam tomonidan qo‘shib berilgan vaqtda fransiyalik hujumchi ikkinchi golini urgan holda jamoasiga irodali g‘alabani taqdim etdi.
Ushbu g‘alabadan keyin Zinedin Zidan shogirdlarining ochkolari 57 taga yetdi va jamoa ikkinchi o‘ringa ko‘tarildi. “Elche” (24) 17-pog‘onada bormoqda.
La Liga
27-tur bahslari
13-mart, shanba
“Real Madrid” — “Elche” 2:1
Gollar: 0:1 – 61 Kalvo, 1:1 – 73 Benzema, 2:1 – 90+1 Benzema.“Real Madrid”: Kurtua, Mendi, Varan, Nacho, Ramos (Rodrigo, 61), Vaskes, Valverde (Kroos, 62), Kazemiro, Isko (Modrich, 62), Vinisius Junior (Azar, 75), Benzema.
“Elche”: Badiya, Verdu, Kalvo, Moxika, Barragan (Migel Anxel, 36), Fidel (Xosema, 87), Markone, Guti (Diyego Gonsales, 87), Morente (Hosan, 75), Karrilyo, Boye (Mfulu, 75).
Ogohlantirishlar: Benzema (37), Karrilyo (69).
“Alaves” — “Kadis” 1:1
Gollar: 1:0 – 36, penalti Xoselu, 1:1 – 84, penalti Aleks Fernandes.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)