Futbol bo‘yicha Germaniya Bundesligasining 25-turidan o‘rin olgan bir qator uchrashuvlar 13-mart, shanba kuni bo‘lib o‘tdi.
“Bavariya” safarda “Verder” bilan kuch sinashdi. 22-daqiqada Leon Goretska myunxenliklarni oldinga olib chiqqan bo‘lsa, 35-daqiqada Serj Gnabri jamoasining ikkinchi golini urdi.
67-daqiqada Robert Levandovski hisobni yirik ko‘rinishga keltirdi. Uchrashuv yakunlanishi arafasida maydon egalari hisobni qisqartirishga muvaffaq bo‘ldi.
Parallel kechgan bahsda “Volfsburg” “Shalke-04” darvozasiga javobsiz beshta gol urdi. “Union” esa “Kyoln”ga qarshi bahsda irodali g‘alaba qayd etdi.
Bundesliga
25-tur bahslari
13-mart, shanba
“Verder” — “Bavariya” 1:3
Gollar: 0:1 – 22 Goretska, 0:2 – 35 Gnabri, 0:3 – 67 Levandovski, 1:3 – 85 Fyullkrug.“Verder”: Pavlenka, Gebre Selassiye (Agu, 63), Moysander, Toprak, Gross, Augustinsson (Dinkchi, 89), Mevald (Velkovich, 76), Rashitsa, Eggeshtayn (Fyullkrug, 63), Shmid (Bitenkur, 64), Sarjent.
“Bavariya”: Noyer, Pavar, Boateng, Lyuka Ernandes, Devis (Sarr, 84), Goretska, Kimmix (Roka, 79), Myuller, Levandovski (Shupo-Moting, 79), Gnabri (Sane, 79), Koman (Musiala, 79).
Ogohlantirish: Sarjent (70).
“Volfsburg” — “Shalke-04” 5:0
Gollar: 1:0 – 31, avtogol Mustafi, 2:0 – 51 Vegorst, 3:0 – 58 Baku, 4:0 – 64 Brekalo, 5:0 – 79 Filipp.“Union” Berlin — “Kyoln” 2:1
Gollar: 0:1 – 45, penalti Duda, 1:1 – 48, penalti Kruze, 2:1 – 67 Trimmel.“Mayns” — “Frayburg” 1:0
Gol: 1:0 – 84 Kvayson.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)