Farg‘ona viloyati hokimligi Oltiariq tumanida yashovchi fuqaroning tuman Xalq qabulxonasi binosi oldida qo‘l tomirlariga jarohat yetkazishga urinishi holati yuzasidan bayonot berdi.
Ijtimoiy tarmoqlarda Oltiariq tumanida yashovchi fuqaroning tuman Xalq qabulxonasi binosi oldidagi ko‘chada o‘z qo‘l tomirlariga jarohat yetkazishga uringani, bunday xatti-harakatga uzumchilik uchun ajratilgan yer maydoni to‘g‘risidagi qarorning bekor qilingani sabab bo‘lganiga oid video tarqaldi.
Fuqaro Ma’mur Berdaliyev haqiqatan ham 11-mart kuni Oltiariqdagi tuman Xalq qabulxonasi binosi oldida o‘z qo‘l tomirlariga jarohat yetkazishga uringan, biroq tuman IIB xodimlarining tezkor harakatlari sabab Berdaliyevning harakatlari oxiriga yetmay, tibbiyot birlashmasiga olib borilib unga birinchi yordam ko‘rsatilgan. Bugungi kunda uning sog‘lig‘i va holati yaxshi ekani ma’lum qilindi.Avvalroq Yoshlar ittifoqidan Jizzaxda qurilgan 14 milliard so‘mlik bino uchun pulini ololmayotgan tadbirkor ochlik e’lon qilmoqchi bo‘lgani to‘g‘risida xabar berilgandi. Keyinroq tadbirkorning puli to‘lab berilgan.Viloyat hokimligi, viloyat Xalq qabulxonasi, xalq deputatlari viloyat kengashi, viloyat prokuraturasi va viloyat ichki ishlar boshqarmasi tomonidan mazkur holat yuzasidan o‘rganish olib borish uchun ishchi guruh tuzildi.
Ishchi guruh fuqaroga uzumchilik uchun yer maydoni ajratilishi, bu bo‘yicha tuman hokimi qarorini bekor qilinishi bilan bog‘liq holatlarni, fuqaro Ma’mur Berdaliyevning bunday xatti-harakat qilishga majburlagan sabablarni joyida o‘rganib chiqadi.
O‘rganish natijalari yuzasidan tez kunda qo‘shimcha ma’lumot e’lon qilinadi.
Farg‘ona viloyati hokimligi
Izoh (0)