Фарғона вилояти ҳокимлиги Олтиариқ туманида яшовчи фуқаронинг туман Халқ қабулхонаси биноси олдида қўл томирларига жароҳат етказишга уриниши ҳолати юзасидан баёнот берди.
Ижтимоий тармоқларда Олтиариқ туманида яшовчи фуқаронинг туман Халқ қабулхонаси биноси олдидаги кўчада ўз қўл томирларига жароҳат етказишга урингани, бундай хатти-ҳаракатга узумчилик учун ажратилган ер майдони тўғрисидаги қарорнинг бекор қилингани сабаб бўлганига оид видео тарқалди.
Фуқаро Маъмур Бердалиев ҳақиқатан ҳам 11 март куни Олтиариқдаги туман Халқ қабулхонаси биноси олдида ўз қўл томирларига жароҳат етказишга уринган, бироқ туман ИИБ ходимларининг тезкор ҳаракатлари сабаб Бердалиевнинг ҳаракатлари охирига етмай, тиббиёт бирлашмасига олиб борилиб унга биринчи ёрдам кўрсатилган. Бугунги кунда унинг соғлиғи ва ҳолати яхши экани маълум қилинди.Аввалроқ Ёшлар иттифоқидан Жиззахда қурилган 14 миллиард сўмлик бино учун пулини ололмаётган тадбиркор очлик эълон қилмоқчи бўлгани тўғрисида хабар берилганди. Кейинроқ тадбиркорнинг пули тўлаб берилган.Вилоят ҳокимлиги, вилоят Халқ қабулхонаси, халқ депутатлари вилоят кенгаши, вилоят прокуратураси ва вилоят ички ишлар бошқармаси томонидан мазкур ҳолат юзасидан ўрганиш олиб бориш учун ишчи гуруҳ тузилди.
Ишчи гуруҳ фуқарога узумчилик учун ер майдони ажратилиши, бу бўйича туман ҳокими қарорини бекор қилиниши билан боғлиқ ҳолатларни, фуқаро Маъмур Бердалиевнинг бундай хатти-ҳаракат қилишга мажбурлаган сабабларни жойида ўрганиб чиқади.
Ўрганиш натижалари юзасидан тез кунда қўшимча маълумот эълон қилинади.
Фарғона вилояти ҳокимлиги
Изоҳ (0)