Surxondaryoda 55 yoshli shaxs kaltaklab o‘ldirilgani aniqlandi, deya xabar bermoqda Tergov departamenti.
Qayd etilishicha, 2021-yilning 10-mart kuni soat 15:20 larda Jarqo‘rg‘on tumani IIBga “Polvonlar yurti” MFYda yashovchi 55 yoshli E.X. uyida to‘satdan vafot etganligi yuzasidan xabar kelib tushgan.
Olib borilgan tergovga qadar tekshiruv harakatlari davomida, 2021-yilning 9-mart kuni soat 19:30 larda 39 yoshli M.T. fuqaro E.X.ni mast holatda yashash uyiga kelayotganini ko‘rib, u bilan janjallashib, tanasining turli joylariga tepib tan jarohati yetkazib, hodisa joyidan ketib qolgan.
E.X. ariqda yiqilib yotganini qo‘shnilari ko‘rib uyiga olib borib qo‘ygan. E.X. olgan tan jarohatlari oqibatida vafot etgan.
Mazkur holat yuzasidan Jarqo‘rg‘on tumani IIB huzuridagi Tergov bo‘limi tomonidan M.T.ga nisbatan Jinoyat kodeksining 104-moddasi 3-qismi “d” bandi (jabrlanuvchining o‘lishiga sabab bo‘lgan qasddan badanga og‘ir shikast yetkazish) bilan jinoyat ishi qo‘zg‘atilib, protsessual tartibda ushlangan.
Hozirda tergov harakatlari olib borilmoqda.
Bundan avval Toshkentda qaynanasiga tan jarohati yetkazib, qaynatasiga pichoq urgan erkak 5 yilga qamalgani, Samarqandda turmush o‘rtog‘ini pichoqlab o‘ldirgan shaxs 9 yilga qamalgani hamda Samarqandda mast erkak tanishining boshiga aroq shisha idishi bilan urib, uni o‘ldirib qo‘ygani haqida xabar berilgandi.
Izoh (0)