Dortmundning “Borussiya” klubi hujumchisi Erling Holand “Barselona”ning asosiy maqsadi bo‘lib qolmoqda.
Marca nashrining xabar qilishicha, norvegiyalik futbolchi katalonlar yangi prezidenti Xoan Laporta uchun eng asosiy maqsad bo‘lib turibdi. Bu transferni amalga oshirish uchun klub 100 million yevro atrofidagi mablag‘dan voz kechishiga to‘g‘ri keladi.
“Barselona” Holandni xarid qilishga pul yig‘ish maqsadida Antuan Grizmann, Usmon Dembele, Samyuel Umtiti, Martin Breytueyt va Xunior Firponi sotib yuborishga tayyor.
Jamoaning yangi rahbariyati 20 yoshli iqtidor egasini olib kelish uchun barcha choralarni ko‘rish niyatida.
Holandga shuningdek, “Real”, “Manchester Siti” va “Manchester Yunayted” jamoalaridan qiziqish bor.
Holand 2020/21-yilgi mavsumda barcha musobaqalar doirasida 29 o‘yin o‘tkazib, 31 gol va 8ta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)