Дортмунднинг «Боруссия» клуби ҳужумчиси Эрлинг Ҳоланд «Барселона»нинг асосий мақсади бўлиб қолмоқда.
Marca нашрининг хабар қилишича, норвегиялик футболчи каталонлар янги президенти Хоан Лапорта учун энг асосий мақсад бўлиб турибди. Бу трансферни амалга ошириш учун клуб 100 миллион евро атрофидаги маблағдан воз кечишига тўғри келади.
«Барселона» Ҳоландни харид қилишга пул йиғиш мақсадида Антуан Гризманн, Усмон Дембеле, Самюуэль Умтити, Мартин Брэйтуэйт ва Хуниор Фирпони сотиб юборишга тайёр.
Жамоанинг янги раҳбарияти 20 ёшли иқтидор эгасини олиб келиш учун барча чораларни кўриш ниятида.
Ҳоландга шунингдек, «Реал», «Манчестер Сити» ва «Манчестер Юнайтед» жамоаларидан қизиқиш бор.
Ҳоланд 2020/21 йилги мавсумда барча мусобақалар доирасида 29 ўйин ўтказиб, 31 гол ва 8та голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)