2021-yil 11-martda Triodos Investment Management tomonidan boshqariladigan moliyaviy inklyuziya fondlari — Triodos Fair Share Fund va Triodos Microfinance Fund “Ipak yo‘li” bankiga o‘zaro imzolangan kredit shartnomasiga asosan milliy valyutada, qiymati 10 million yevroga teng bo‘lgan kredit liniyasini taqdim etdi.
Taqdim etilgan mablag‘lar pandemiya ta’siridan keyin moliyaviy rag‘batlantirishni talab qiluvchi kichik biznes va xususiy tadbirkorlik subyektlarini qo‘llab-quvvatlash uchun yo‘naltiriladi. Bundan tashqari, bankning mijozlarga kichik va o‘rta biznes sohasidagi loyihalarni moliyalashtirishga ajratilayotgan uzoq muddatli kreditlari eksport salohiyatini oshirish, yangi ish o‘rinlari yaratish imkonini yaratib beradi.
“Ipak yo‘li” bankining Triodos Investment Management bilan hamkorligi 2015-yildan boshlanib, FMO (Niderlandiya taraqqiyot banki) va DEG (Germaniya taraqqiyot moliya instituti) bilan birgalikda qiymati 38 million AQSh dollariga teng bo‘lgan sindikatlashtirilgan kredit liniyasi taqdim etilgan.
2019-yilda bank qiymati 3 million yevroga teng bo‘lgan subordinatsiyalangan qarz va 9 million yevro miqdoridagi kredit liniyasini oldi. Bundan tashqari, 2020-yil avgust oyida Triodos Microfinance Fund bankning minoritar aksiyadoriga aylandi.
Reklama huquqi asosida.
Izoh (0)