Toshkent shahrining Mirzo Ulug‘bek va Yakkasaroy tumanlarida o‘g‘irlik jinoyatini sodir etishda gumon qilinayotgan shaxs qidirilmoqda, deya xabar berdi shahar IIBB.
Qidiruvdagi shaxsning ismi sharifi Meliqo‘ziyev Javohir Jahongirovich. U 1993-yilda tug‘ilgan, muqaddam bir necha marotaba sudlangan.
J.Meliqo‘ziyev Chilonzor, Mirzo Ulug‘bek va Yakkasaroy tumanlarida oltita o‘g‘irlik jinoyatini sodir etishda gumon qilinmoqda. Gumon qilinuvchi xonadonlarga kirish eshigining qulfini buzish yo‘li bilan g‘ayriqonuniy ravishda kirib, tilla taqinchoqlarni o‘g‘irlagan, so‘ng ularni Qo‘yliq bozorida sotgan.
J.Meliqo‘ziyev haqida biror ma’lumotga ega bo‘lgan yoki unga o‘xshash shaxsni ko‘rgan fuqarolar +998998487577 yoki +998977104994 raqamlari orqali xabar berishi so‘ralgan.
Izoh (0)